තටු සිඳුනු සමනළී

තටු සිඳුනු සමනලී
නෙත් කඳුලු සැලි සැලී
අවසන්ව සැනකෙලී
ලතවේවි සියුමැලී


ගම්මානයේ සොඳුරු රූ තාරකාවී
නෙත්මානයේ මව් හැදුනු සීදේවී
සිනා කැන් සල සලා දඟ කරපු සාවී
දිරියෙන්ම නැණ වඩපු සොඳ බාලිකාවී


කැකුලු ඇඟ කඳ සොඳට
මෝරලා යස රුවට
රොන් සොයන බිඟු කැලට
බැලුම් අඩු නෑ නුඹට


රිය කවුලුවෙන් ගමේ දිලිඳුකම් බල බලා
ගම වටේ ඉගිලුනේ ඔහු සමග හිනහිලා
ඔහු කතාවෙන් මැවූ සුරලොවේ තනිවෙලා
නුඹ හඬයි  ඉකිලමින් ගම අසල නැවතිලා

ඉතින් ඉගිලී යන්න

ඇවිත් නුඹෙ නෑසියන්

දායාධ විමසමින්

වචන අවි අමෝරා යුධ වදිනවා

දෑවැද්ද නැති ගෑනු ගන්න තොට පිස්සුදැයි

රුදුරු කරකෂ වදන් ඇසෙනවා

සතෙන් සතේඑක්කරන්

මාසෙ මුල පඩි පතෙන්

කනකරට රන් රුවන්

නොතැනුවේ කිම මගෙන් අහනවා

අම්ම ගේ බෙහෙත් ටික

ලිප ඉදෙන බත්පතට

මගේ හැම හීනයම

කැප කරපු බව නුඹත් දන්නවා

සැප දුකට හුරු හිතක්  

ආදරෙන් නුඹ නමින්

දායාධ ලෙස දෙන්න

මගේ ලඟ නොවෙනස්ව තියනවා

නුඹට ඒ දායාධ පිලිගන්න නොහැකි නම්

ඉතින් ඉගිලී යන්න

හදවතේ දොර කෞලු හරිනවා

අනේ මෙහෙමත් අම්මලා.

දීර්ග විරාමයකට පස්සෙ ඔන්න කටකාරිටත් හිතුන ලියන්න. හිතුන නෙවෙයි හිත පහුරු ගගා ලියපං ලියපං කියල කටකාරිට වද දෙන්න පටන් ගත්ත. මොකද ඒ තරම්ම මගේ හිත ගැස්සුනු මට සංවේදී වුනු සිදුවීමක් මට හමු වුනා. මෙතන ඉඳන් මම ඔයාලට කියන්න හදන්නෙ ඒ කතාව. දෙමව්පියො කිව්වහම ඒ අය ගැන ළමයි වෙච්ච අපිට කියන්න අටුවා ටීකා ඕන නැහැනෙ. ඉතින් හැම ගැහැණු ළමයෙක්ම කවදහරි පෙරුම්පුරන්නෙ හොඳ අම්ම කෙනෙක් වෙන්න. ඒකනෙ පුංචි කාලෙ ඉඳන් බෝනික්කො නලවන්නෙ. කිසිම හැඟීමක් දැනීමක් නැති බෝනික්කන්ට කවල පොවල බලාගන්නෙ. ඉතින් මමත් එක්ක සෙල්ලම් බත් උයපු මගේ මිතුරියක් කුලුඳුලේ අම්ම කෙනෙක් වෙලා. කටකාරිත් ගියා හරිම ආසාවෙන් පුංචි පැටියව බලන්න. චූටිම චූටි බෝනික්කියෙක් වගේ දූ පැටියෙක් මගේ මිතුරියට ලැබිල. ඒත් එයා මට කියපු කතාවකට මට අනේ අපොයි කියල හිතුන. මගේ මිතුරිය ගෙ සැමිය රැකියාව කරන්නෙ විදෙස් ගත වෙලා. ඉතින් ඇයට දරුව ලැබෙන කාලෙට ඔහුට නිවාඩු ගන්න බැරි නිසා 2017 ජනවාරි 25 මෙලොව එලිය දකින්න හිටපු කිරිකැටියට මාස දෙකක් කලින් ඉපදෙන්න සිද්ද වෙලා. ඒ කියන්නෙ 2016 ඔක්තෝම්බර් 25 සීසේරියන් සැත්කමක් මගින් පෞද්ගලික රෝහලකදි සිය කිරිකැටිය මෙලොවට බිහි කරන්න ඔවුන් තීරණය කරල. ඉතින් යාලුවනේ අඩුමාසෙන් අඩු බර ඇතිව ඉපදෙන ළමයින්ට ඇති වෙන අවදානම් ගැන මම අමුතුවෙන් විස්තර කරන්න අවශ්‍ය නෑ කියල හිතනව. නම මසක්ම කුසේ දරා ගෙන නීරෝගීව නියමිත කාලෙට දරුව බිහි කරන්න තමයි හැම අම්ම කෙනෙක් ගේම ප්‍රාර්තනය. ඒත් දැන් දැන් දරුවාට නියමිත් කාලෙට මෙලොව එලිය දකින්න තියන අයිතියත් අපේ දෙමව්පියන් මෙලෙස උදුරා ගන්නේ කෙලෙසදැයි මට හිතාගැනීමට තරම්ම අපහසු කරුණකි. මව ගේ හෝ දරුවා ගේ සෞක්ඛ්‍යට බලපාන ගැටළු තත්වයකදී නම් මෙය ඉතා සාදාරණ බව කිව හැකිය.එහෙත් මෙවන් පෞද්ගලික අරමුණක් උදෙසා හෝ තමා ගේ පහසුව තකා හෝ මව්වරුන් ගන්නා මෙවන් තීරණ වලින් අසරණ වන්නේ එලෙස මෙලොවට එලිය දකින බිලින්දන්ය. ඔවුන්ට දිවි ගෙවන්නට වී ඇත්තේ තම ජීවිත කාලය පුරාම නොයෙක් ලෙඩ රෝග වලට ගොදුරු වෙමින් හෝ යම් යම් ආබාධිත තත්ව වලට ගොදුරු වෙමින්ය අද වන විට මෙය ඉතාමත් කේදවාචකයක් වී ඇත.සල්ලි විසි කරන්නට හැකි අය මෙලෙස තමන්ට ඕන දිනයට තමන්ට අවශ්‍ය දවසට වේලාවට දරුවන් මෙලොවට බිහි කරගනියි. නමුත් නිදහසේ මෙලොව එලිය දැකීම දරුවා ගේ අයිතිය බව නොසිතයි. මෙය මගේ සිත වැඩියෙන්ම කම්පා කරන්නට විය මන්දයත් මමත් යම් කිසි සෞක්ක්‍ය හේතුවක් නිසාවෙන් අඩුමාසයෙන් මෙලොව එලිය දැකදෘශ්‍යාබාධිත තත්වයෙන් ජීවිතය පුරාම දිවි ගෙවන නිසාවෙනි. මෙහි ආදීනව විඳවන තරම මම හොඳ හැටි අත්විඳ ඇත.ඉතින් මම එදා මගේ මිතුරිය ගෙ නිවසින් පිට වූයේ ඒ සිගිත්තියට කිසිඳු අතුරු ආන්ත්‍රාවකට මුහුන දීමට සිදු නොවේවායැයි සිතින් පතමිනි.

නව වසරට කටකාරි ගෙන් සුබපැතුම්

මගේ බ්ලොග් එකට ගොඩවැදුණු මගේ නිර්මාන වලට හොඳ නරක පහදාදෙමින් කොමෙන්ට් දාල මාව දිරිමත් කරපු සියළුදෙනාටම ලැබුවාවූ 2017 නව වසර නිදුක් නීරෝගී සුබ සිහින ඉටුවෙන අබියෝග වලට සාර්ථකව මුහුනදී ජය ලැබෙන සුන්දර වසරක් වේවා. කියල කටකාරි හදවතින්ම සුබපතනව. මේ වසරෙත් මාත් එක්කම මගේ නිර්මාන එක්කම රැඳෙන්න ඔබ සැමට ආරාධනා කරනව.

දුක නැති නත්තලක්

උඳුවප් සීතට වියලුනු

නුඹේ කඳුලු මුව දිලිහුනු

කුසගින්නට කුස හැකිලුනු

නුඹේ කඳුලු දුටුවද උන්

තුන්තිස් පැය දුක උහුලපු

පාට පාට විදුලි බුබුලු

නෙක නෙක සැරසිලි විසිතුරු

නත්තල් ගස් ගවලෙන් හෙම

තිබුනා සල්පිල් පුරවපු

පුංචි පුංචි මූනු පොඩිති

ඒ තැන් වල අඩුවක් නැති

වපුරන විට සිනා සිඟිති

යමින් එමින් දකින නුඹේ

හිත දවනා දුක සුමිතුර

තිබුනා එක නෙත් බැල්මක

කාත් කවුරුවත් නොදැකපු

කොටුව පුරා දුව පනිමින්

කිලෝ ගණන් බර උස්සන්

කකියන කය වාරු කරන්

මේ තරමට වෙහෙස වෙන්නෙ

දොරකඩ හිඳ මග බලනා

පොඩිඑකීට දුක නැති නත්තලක් අරන්

හෙට උදෙන්ම ගමට යන්න.