කටකාර සිතුවිලි වල පෙලගැස්ම

Apr 13, 2018

කටකාරි ගෙන් අවුරුදු සුබපැතුම්

වැව් පොකුනු දිය කඩිති සිනා කැන් සල සලා
සිහිලසින් නලවාවි මිහිකතම සනසලා
මිහිලිය ගෙ ගිනියම්ව තැව්නු දෙකොපුල් බලා
වැසි දෙවිඳු හාදු දෙයි සැඩ හිරුට ඔරවලා

තුරෙන් තුර දොරින් දොර නැවුම් බව ඉතිරී
සරින් සර පෙම්වත්ව කුරුලු ගී මිහිරී
මුවෙන් මුව සිනාසෙන බක්මහේ අසිරී
සිතෙන් සිත රැඳේවා කිසිදාක නොමැකී
ආයු බොහෝ වී සියළු සිත් පහන් වේවා
හිත් පුරා මිනිස්කම් සුවඳ විහිදේවා
තැවුල් පිරි කොපුල් වල සිනහ ඉතිරේවා
පැතුම් පිරි අවුරුද්ද සැමට සුබ වේවා

5 comments:

  1. යසට පැළඳ හිරු රන්වන් කහසාරී
    රතට ලෙළදෙනා එරබදු මල් බේරී
    හිතට ලැබෙනවා සතුටක මල් තේරී
    ඔබට වසර සුභ වේවා කටකාරී.....

    ජයවේවා!!!

    ReplyDelete
    Replies
    1. ස්තූතියි දුමී. හරිම ලස්සනයි කවිය.

      Delete
  2. මරු.. ලස්සනයි

    ReplyDelete
  3. මේ වනවිට ඔබේ නිර්මාණ බොහොමයක් රස විද තිබෙනවා . ඒවා විවිධ පරාස කරා යන අයුරු අපූරුයි . බ්ලොග් කලාවට අළුත් මට ඔබේ භාවිතය හොද අත්වැලක් . ඉඩක් ලැබුණොත් මගේ අහස් ගව්වෙන් එහා ලෝකයට ගොඩ වැදිලා අඩුපාඩු ලියන්න . වැඩි පිරිසකට මගේ නිර්මාණ රසවිදින්න උදව් කරන්න . ඔබට ජය

    ReplyDelete